Afmæli, ekki afmæli.

Sá að hinir og þessir fagna bloggafmælum um þessar mundir, ég fór því að athuga hver væri elsta færslan sem ég á eftir mig og hún er víst dagsett 9. maí 2000. Síðan hefur margt gerst og ég hef átt 'heima' á nokkrum stöðum; tvær adressur á tripod þar sem ég notaði Blogger, síðan átti ég mitt eigið domain (ég eyddi síðan öllu sem var þar í e-u aulakasti) í smá tíma og notaði MovableType og þaðan fór ég yfir í Typepad og er þar enn.

Það er Björgvin að þakka/kenna að ég byrjaði á þessu (eins og margir aðrir), ég þakka pent fyrir mig!

Í byrjun var íslenski bloggrúnturinn ekki langur, svo kom Egill með Nagportal, síðan hélt Geir partí á Rauðarárstíg, næst bauð Bjarni rss.mola og svo e-n tímann eftir það hætti ég að fylgjast almennilega með, einhvers staðar á tímalínunni varð allt vitlaust og upp spruttu blogdrive, blog.central.is, Moggablogg o.s.frv. o.s.frv.

Það sem kannski hæst ber á mínum bloggferli er að hafa verið í viðtali á Rás 2 ásamt fleirum og talað um blogg, númer tvö verður að vera þegar ég var næstum því rekin fyrir blogg og í þriðja sæti yfir blogg-afrekaskrá mína er (smá) þátttaka í vefritinu Hrekkjusvín sem var og hét. Svo hef ég líka kynnst mörgu góðu fólki í gegnum bloggið og kynnt margt gott fólk fyrir bloggi.

Og þetta er lengsta færslan hjá mér í enn lengri tíma :)

Comments

[Gummi Jóh]

Til hamingju með afmælið! :)

[Sigga]

Takk & sömuleiðis! :)

[Ágúst]

Jamm. Mig minnir að ég hafi einmitt byrjað að blogga daginn á undan þér.

Gleymirðu ekki að geta Geirs Freyssonar?

Annars minnir mig að mikil stúdía í elstu blogg-skjalasöfnum þjóðarinnar hafi skilað mér þeirri niðurstöðu að EOE.is væri elsti starfandi bloggari landsins sem hefur aldrei hætt algjörlega. "Tommi pottur" er litlu yngri (apríl 2000) en hætti á tímabili. Gummijoh byrjaði um sumarið 2000 undir undirtitlinum "sniðugur strákur", minnir mig. Einu sinni, gott ef ekki í maí 2002 skrifaði ég smá "samantekt" byggða á nokkrum öðrum samantektum um fyrstu mánuði bloggsins.

Hitt er svo annað mál, hvað ætli hafi orðið um móðgunarbloggarann "Skrattann" (Magnús M.?) á endanum??

[Sigga]

Ástæðan fyrir því að ég nefndi Geir Freys ekki var einfaldlega sú að ég var ekki að telja upp gömlu orginal bloggarana né tala um notepad-bloggið hjá Björgvin og Geir, en þeir voru vissulega með þeim allra allra fyrstu, þeas pre-Blogger.